扣稅三寶是甚麼？ 自願醫保、延期年金同 MPF慳稅全攻略

 

甚麼是「扣稅三寶」？

「扣稅三寶」係香港理財同保險界常用嘅一個術語，指三種可以幫市民慳稅同時又做到保障或者儲蓄嘅金融產品。三寶包括：自願醫保計劃（Voluntary Health Insurance Scheme, VHIS）,合資格延期年金保單（Qualifying Deferred Annuity Policy, QDAP）,強積金可扣稅自願性供款（Tax Deductible Voluntary Contributions, TVC）

扣稅三寶包含嘅三大項目簡介

投保人繳交嘅保費可享有稅務扣減。幫市民獲得更清晰、受監管嘅醫療保障。合資格延期年金保單（Qualifying Deferred Annuity Policy, QDAP）繳交嘅年金保費可享稅務扣減。幫助市民規劃退休生活，分期領取穩定現金流。

強積金可扣稅自願性供款 （Tax Deductible Voluntary Contributions, TVC） 繳交嘅金額同樣享稅務扣減。強化退休保障，兼具稅務優惠。

扣稅三寶嘅由來與目的

香港正面對急速老齡化,政府統計處推算 （不計外傭） 本港 65 歲或以上人口會由 2021 年約 145 萬 （佔20.5%） 升到2046年的約 274 萬 （佔36%） 。長者佔比幾乎每 3 人就有 1 人以上為長者，公共醫療與長期照護壓力自然水漲船高。

喺呢個背景之下，政府一方面擴闊私營醫療選擇、疏導公營醫院需求，另一方面鼓勵市民為退休作長線儲備，於是配套推出三項可享扣稅安排嘅產品，即俗稱「扣稅三寶」：自願醫保 （VHIS） 政策由前食衞局（衞生局）主管， 2019年4月1日 全面實施，目的係畀市民有受規管、保障清晰嘅住院醫保選擇。

合資格延期年金 （QDAP） ＋ 強積金可扣稅自願性供款 （MPF TVC） 透過《2018年稅務及強積金計劃法例（關於年金保費及強積金自願性供款的扣稅）(修訂)條例》建立稅務優惠框架，並自 2019年4月1日 起適用。兩者合併的扣稅總上限每年 HK$ 60,000。報稅時計算扣減次序為「先TVC、後 QDAP」，政策用意係以稅務誘因推動退休現金流與自助儲蓄文化。

自願醫保是什麼?

自願醫保計劃（Voluntary Health Insurance Scheme, VHIS）係政府於 2019年4月1日 正式推出，由保險公司提供並受食物及衞生局（現衞生局）規管。只要購買「認可計劃」 （Certified Plan），投保人就可以申請稅務扣減。

透過投保自願醫保計劃扣稅

扣稅額度每名受保人每年可享 上限HK$ 8,000 嘅合資格保費扣稅。如果納稅人為 自己、配偶或子女 購買 VHIS ，都可以分別申請扣稅。舉例如果一家四口（夫婦＋兩個子女）全部投保合資格計劃，最多可以申請 HK$ 32,000 嘅扣稅額度。扣稅方式報稅時需提交由保險公司提供嘅 「合資格保費聲明」。稅務局會根據申報資料，從應課稅入息中扣減相應金額。例如如果某納稅人購入 VHIS 計劃，每年保費 HK$ 7,500，就可以申報 HK$ 7,500 扣稅額（因為未超過上限）。好處減輕稅務負擔，直接慳稅,獲得政府認可、保障清晰嘅醫療保險和家庭投保可以累積更多扣稅額度，慳稅效益更大。

自願醫保嘅保障範圍與優勢

政府認可、條款標準化所有認可計劃 （Certified Plan） 必須按政府模板列明條款及最低保障，提升透明度。保證續保至 100 歲, 健康狀況轉變亦不可拒保或於續保時加排除（除非屬個案式除外於投保時已載明）。無終身保障上限只有年度上限 （標準計劃為 HK$ 420,000/年） ，長期醫療風險更可控。涵蓋「未知既往病」並設等候期。

第 1 個保單年度不賠, 第 2 年賠 25 % , 第 3 年賠 50% , 第 4 年起賠償 100% 賠償 (如屬已知而故意不披露，保險公司可撤銷保單）。可享稅務扣減投保認可計劃之合資格保費，每名受保人每年可扣稅上限 HK$ 8,000 （2019 年 4 月 1 日起生效）。涵蓋日間手術及癌症非手術治療, 縮短輪候時間，治療安排更靈活。 21 日冷靜期 （Cooling-off） 消費者可於規定期內取消並獲退回保費。

延期年金是什麼？

延期年金 （Deferred Annuity） 係一種 長期人壽保險產品，主要功能係幫助市民將一筆或分期供款，轉化為將來穩定嘅 退休現金流。投保人會喺一段累積期內繳付保費，之後喺約定嘅年齡（例如 60 歲或 65 歲）開始定期領取年金收入。香港政府於 2019 年 4 月 1 日 正式推出 合資格延期年金保單 （Qualifying Deferred Annuity Policy, QDAP ） 機制，並提供 稅務扣減 作為誘因。根據稅務條例，納稅人繳付嘅 合資格保費 可享有 每年最高 HK$ 60,000 扣稅額（與強積金自願性供款 TVC 合併計算）。換句話講，購買延期年金唔單止係 退休規劃工具，仲可以即時達到 慳稅效果。

年金帶來嘅退休保障

香港人口老化問題日益嚴重，根據政府統計處推算，本港 65 歲或以上人口比例將由 2021 年約 20.5% 升至 2046 年的 36% ，即平均每三人就有一人係長者。呢個趨勢意味著未來對醫療同養老金嘅需求大幅增加，而僅靠強積金可能未必足夠應付。喺呢個背景下，政府推出 合資格延期年金保 （Qualifying Deferred Annuity Policy，簡稱 QDAP），並於 2019 年 4 月 1 日 起容許投保人保費享有稅務扣減 （與強積金自願性供款合併上限 HK$60,000）。

年金嘅退休保障價值：提供穩定現金流,投保人於繳付保費後，會喺約定嘅退休年齡開始獲得定期年金收入（例如每月或每年），等於「人工退休金」，確保基本生活開支有保障。對抗長壽風險香港係全球最長壽地區之一 （2022 年男性平均壽命 83 歲、女性 87 歲），年金計劃一般提供保證年金期，甚至有部分計劃提供「終身年金」，保障長者活得愈長，收得愈多。

配合稅務扣減,投保 QDAP 保單，每年最高可享 HK $ 60,000 扣稅優惠（與 TVC 共用額度），等於「慳稅＋退休保障」雙重得益。強制儲蓄效應 年金屬於長期保險產品，保費繳交後一般唔容易提前提取，有助養成「儲蓄強制性」，避免資金過早消耗，增加退休保障。靈活選擇年金期,市場上產品一般容許設定 年金開始領取年齡 （例如 60 或 65 歲），同時可以選擇保證支付期 （如 10 年、20 年），讓退休規劃更有彈性。

選擇延期年金產品的注意事項

購買合資格延期年金保單 （QDAP） 唔單止可以享受每年最高 HK$ 60,000 與 MPF TVC 共用嘅扣稅上限，仲係退休規劃嘅重要工具。不過，由於年金屬於長期承諾，揀產品之前一定要留意幾個重點。首先，要確認產品係由保監局認可嘅 QDAP 認證產品，因為只有呢類產品先可以申請扣稅。其次，要考慮 年金開始領取年齡 （通常為 60 或 65 歲） 同 支付期類型，例如「保證支付期」同「終身年金」，前者提供確定性，後者則能保障長壽風險。

同時，要檢視 保費繳付方式（一次過或分期）同 內部回報率 （IRR），並比較「保證部分」同「非保證部分」嘅比例，因為 IRR 可以反映供款帶來嘅實際退休現金流。對於分紅型年金，更要留意保監局建議嘅 「紅利實現率 （Fulfillment Ratio） 」 ，呢個比率係將公司實際派發紅利同銷售時嘅預期紅利相比，接近或高於 100% 代表派息紀律穩定，對長期回報更有參考價值。此外，應該細閱產品嘅 冷靜期安排 （21 日可全數退保費） 、退保價值、費用及匯率風險等披露，確保唔會因提早退保而招致重大損失。最後，要記住 QDAP 產品係 長期儲蓄同退休收入工具，唔可以單純當短線投資，最好搵專業顧問幫你根據收入情況、退休目標同稅務狀況作度身建議，先至可以真正發揮 「慳稅 + 退休保障」 嘅雙重效益。

強積金自願性供款是什麼？

強積金自願性供款 （Tax-Deductible Voluntary Contributions, TVC） 係香港政府自 2019/20 課稅年度 起推出嘅稅務優惠措施，目標係鼓勵市民為退休多作儲蓄，同時享受扣稅優惠。 TVC 係一個獨立於強制性供款 （Mandatory Contributions, MC） 同一般自願性供款 （Voluntary Contributions, VC） 之外嘅 專屬戶口，由納稅人自行開立並繳款，毋須經僱主代扣。

供款限額與扣稅額度

自 2019/20 課稅年度起， TVC 與合資格延期年金 （QDAP） 合共可享的每年最高稅務扣減額為 HK$60,000 。這代表，如果你當年同時有 TVC 和 QDAP 的供款，最高只可申請 HK$ 60,000 的扣稅優惠。扣稅將先從 TVC 扣起，再扣 QDAP 。範例與節稅效果若使用最高額 HK$ 60,000 用於 TVC （未用 QDAP），按最高邊際稅率 17% 計，最多可節省約 HK$ 10,200 稅款。需注意 TVC 與一般 MPF 強制供款 (mandatory contributions) 完全區分，強制供款最高可扣 HK$ 18,000/年 但不可與 TVC 合併。

三寶之間點樣靈活配搭慳稅

「扣稅三寶」包括 自願醫保 （VHIS）、延期年金 （QDAP） 同 強積金自願性供款 （TVC） ，三者各有特點，靈活配搭就可以令慳稅效果最大化。首先， VHIS 嘅 HK$ 8,000 扣稅額度係以「每名受保人」計，所以如果一家人一齊投保，例如夫婦加兩名子女，就可以累積 HK$ 32,000 扣稅額，非常適合想兼顧醫療保障同家庭慳稅需要。其次， QDAP 同 TVC 共享 HK$ 60,000 扣稅額，計算次序係 「先 TVC，後 QDAP」，所以如果本身已經有穩定收入，可以先將多餘資金放入 TVC ，靈活供款同時幫自己儲定退休金。

如果仲有剩餘空間，就可以用 QDAP 配合，鎖定未來嘅長期現金流。舉例：假設一名高收入人士已經為自己同太太購買 VHIS （共 HK$16,000 扣稅），再供滿 TVC HK$ 40,000，仲可以買 QDAP HK$ 20,000，咁就用盡 HK$ 76,000 嘅總扣稅額度。如果屬於最高邊際稅率 17% ， 一年就可以慳足 HK$ 12,920 稅款。